Շանհայի «Պուդուն» օդանավակայանում պայթած ինքնաշեն սարքը պատրաստված էր գարեջրի շշից։ Այդպիսի հայտարարություն է տարածել Շանհայի վարչակազմը «Վեյբո»ի (Twitterի նմանակն է) իր միկրոբլոգում։ «Մի տղամարդ թիկնապայուսակից հանել է գարեջրի շշից պատրաստված պայթուցիկ սարքը և այն նետել գրանցման կանգնակի մոտակայքում։
Պայթյունից հետո տղամարդը թիկնապայուսակից հանել է դանակը և հարվածել իր վզի հետին մասը», ինչպես հաղորդում է «Արմենպրես»ը, վկայակոչելով ՏԱՍՍ-ը, ասվում է հաղորդագրության մեջ։ Ներկայումս նա ծանր վիճակում գտնվում է հիվանդանոցում։ Պայթյունի արդյունքում տուժել է հինգ մարդ, այդ թվում՝ Ֆիլիպինների քաղաքացի։ Ավելի վաղ հաղորդվել էր ճայթռուկների պայթյունի տարբերակը, որոնք գտնվել են գրանցում անցնող ուղևորներից մեկի մոտ։ Ներկայում «Պուդուն» օդանավակայանն աշխատում է սովորական ռեժիմում։ Ոստիկանությունը վարում է միջադեպի հետաքննությունը։
Լուսանկարը՝ EPA/STRINGER/ТАСС
.gif)
