Երևանի քաղաքապետ Տարոն Մարգարյանի հանձնարարությամբ շարունակվում են համակողմանի աջակցություն տարաբնույթ ծրագրերը սիրիահայ ընտանիքներին:
2016 թվականի սկզբից մինչ օրս սոցիալական աջակցություն է տրամադրվել շուրջ 395 կարիքավոր սիրիահայ ընտանիքի, ևս 67 ընտանիք ընդգրկվել է պետական սոցիալական աջակցության ծրագրերում:
Ընդհանուր առմամբ՝ Երևան համայնքի կողմից 2012 թվականի հունվարից 2016 թվականի մայիս ամիսը ներառյալ սոցիալական աջակցության ծրագրերում ընդգրկվել է շուրջ 5400 սիրիահայ ընտանիք, որոնցից 469 ընտանիքի տրամադրվել են դրամական օգնություններ՝ շուրջ 12 մլն դրամի չափով, իսկ 2846 ընտանիքի՝ տարաբնույթ կենցաղային և նյութական աջակցություն, ևս 2100 ընտանիքի՝ պարենային աջակցություն: Կատարված աշխատանքները ներկայացվել են ՀՀ սփյուռքի նախարարությունում՝ «Սիրիահայերի հիմնախնդիրները համակարգող միջգերատեսչական հանձնաժողովի նիստին», արժանացել հանձնաժողովի դրական գնահատականին: Քաղաքապետարանի ուշադրության կենտրոնում են նաև սիրիահայ երեխաները:
Մայրաքաղաքի ՆՈՒՀ-երում ընդհանուր առմամբ արտահերթ հիմունքներով ընդգրկված են շուրջ 169 սիրիահայ երեխաներ, որոնցից ավագ խմբերի դպրոց գնացող 68 երեխաների նվիրաբերվել են դպրոցական պայուսակներ և գրենական պիտույքներ: Սիրիահայ երեխաների համար կազմակերպվել են տարաբնույթ կրթամշակութային միջոցառումներ: 2016 թվականի նախորդ ժամանակահատվածում Երևանի քաղաքապետարանի ենթակա բուժհիմնարկներ է դիմել շուրջ 973 սիրիահայ, որոնց ցուցաբերվել է անվճար բժշկական օգնություն և սպասարկում։ Թվարկված բոլոր ծրագրերը կկրեն շարունակական բնույթ:
.gif)
