Քաղցրաշենցիների գումարները մաս-մաս վերադարձվում են

Արարատի մարզի Քաղցրաշեն համայնքի խաղողագործները դեռևս նախորդ տարվանից բարձրաձյանում են, որպեսզի իրենից մթերված տոննաներով խաղողի գումարը տրվի իրենց:

Շուտով կմոտենա այս տարվա մթերումը, իսկ նախորդ տարվանը դեռևս չի հատուցվել:

Ինչպես հայտնի է, նախորդ շաբաթ կառավարությունը խաղողագործներին խոստացել էր մարել պարտքերը: ArmLur.am-ը փորձեց քաղցրաշենցիերից պարզել` արդյոք գործադիրը կատարե՞լ է իր խոստումը:

Մեզ հետ զրույցում խաղողագործներից Ավետիքը հայտնեց, որ վարչապետ Հովիկ Աբրահամյանը Քաղցրաշեն համայնքի ղեկավար Վալերիկ Գյուլամիրյանի միջոցով  մաս-մաս վերադարձնում է գումարնները:

Ավելի վաղ հայտնել էինք, որ Քաղցրաշենի գինու գործարանը պատկանում է գործարար և պատգամավոր Կարո Կարապետյանին:

Դե ինչ, մնում է սպասել` կլուծվի՞ ի վերջո այս խնդիրը:

Լիդա Եղիազարյան