Մոսկվայում սգո օր է հայտարարվել

Մոսկվայի իշխանությունները հունիսի 20-ը սգո օր են հայտարարել, փոխանցում է Lenta.ru-ն: Այս մասին հայտարարել է Մոսկվայի քաղաքապետ Սերգեյ Սոբյանինը:

Երեկ Կարելիայում Սյամոզերո լճում նավակ է շրջվել, ինչի հետևանքով 15 երեխա է մահացել:

Երկուշաբթի օրը կիջեցվեն պետական դրոշները, կփոխվեն հեռուստառադիոընկերությունների և մշակույթի հաստատությունների ծրագրերը, չեղյալ կհայտարարվեն ժամանցային ծրագրերն ու միջոցառումները:

Դեպքի հետ առնչություն ունենալու կասկածանքով 5 մարդ է բերման ենթարկվել: Ավելի վաղ ՌԴ նախագահ Վլադիմիր Պուտինը ՌԴ Քննչական կոմիտեին հանձնարարել էր պարզաբանել ողբերգության պատճառներն ու գտնել մեղավորներին: