Միշտ մեզ ասում էին, որ Ղարաբաղը վերջին փուլում ինչ-որ ձևով կմիանա բանակցություններին: Նույն մտքերը ես կարդացի Ռուսաստանի ներկայացուցիչների հայտարարությունների մեջ: Այսօր լրագրողների հետ հանդիպմանը, անդրադառնալով երեկ կայացած եռակողմ հանդիպմանը, այս մասին նշեց քաղաքագետ Ստեփան Գրիգորյանը:
«Ռուսաստանը ուզում է նախաձեռնությունն իր ձեռքը վերցնի, ակնհայտ երևում է, որ մենք չենք կարող այդ պնդումը, որ Ղարաբաղը պետք է մասնակից դառնա` կյանքի կոչենք: Ակնհայտ է, որ մեծ սխալ է, որ մենք դիպուկահարների հարցը չենք բարձրաձայնում», – նկատեց նա:
Քաղաքագետի խոսքով` քաղաքական կամքի դրսևորում է անհրաժեշտ և, եթե դիպուկահարների դուրս բերելու խնդիր լինի և, կողմերը համաձայնվեն, ապա այստեղ որևէ գումարի խնդիր չի լինի: «Դժվարանում եմ ասել` ինչի հետ է կապված: Կարևորությունն իրենք դրեցին այլ հարցերի վրա, բայց պարզ է, որ Ալիևի մոտ Ղարաբաղի հարցում դիրքորոշում չի լինի>, – հավելեց նա:
.gif)
