Տարեցների համար լավագույն երկրների ցանկում Հայաստանը 51-րդն է

Տարեցների միջազգային օրվա առթիվ հրապարակվել է տարեցների համար ամենահարմարավետ երկրների վարկանիշային աղյուսակը, որում ներառված է 91 երկիր, այդ թվում նաև Հայաստանը։

 

Global AgeWatch Index 2013-ի համաձայն՝ առաջին տեղում է Շվեդիան, որտեղ թոշակառուների համար ստեղծված են բոլոր պայմանները։ Առաջատարին հաջորդում է Նորվեգիան։ Երրորդ տեղում է Գերմանիան։  Նախկին խորհրդային միության երկրներից լավագույն վիճակում է Էստոնիան, որը զբաղեցրել է ցուցակի 29-րդ հորիզոնականը։ Վրաստանը 37-րդ տեղում է, Լատվիան՝ 45-րդ, Լիտվան՝ 50-րդ։ Հայաստանը 51-րդ հորիզոնականում է, Թուրքիան՝ 70-րդ, Ռուսաստանը՝ 78-րդ։