Թուրքական ԶԼՄ-ները հիստերիայի մեջ են. Ցեղասպանության մասին Պապի հայտարարությունը «ստոր» են անվանել

Հռոմի պապի հայաստանյան այցն ակտիվորեն քննարկվում է նաև թուրքական մամուլում: Թուրքական ԶԼՄ-ները Ցեղասպանության մասին Պապի հայտարարությունը «ստոր» են որակում:

Մասնավորապես, Sabah, Hurriyet, f5 haber պարբերականները գրում են, որ «Հռոմի պապը Հայաստանում կրկին արտասանեց ցեղասպանություն բառը»:

Haber7-ը գրում է. «Հռոմի պապը փոխել է իր ելույթը»

Տեքստից շեղման մասին գրում է նաև Cumhuriyet-ը:

Aktif medya-ն իր հերթին գրում է, որ Պապը «կրկին հետևողականորեն պնդում է Ցեղասպանության մասին իր հայտարարությունները»:

«Պապը Հայաստանում. Ցեղասպանությունը անցած դարի ողբերգության սկիզբ դարձավ»,- գրում է Demokrat haber-ը:

«Պապի ստոր դիրքորոշումը. Ցեղասպանություն եղել է»,- գրում է Guncel 724-ը:

Yeni Safak-ն էլ գրում է «Ցեղասպանության վերաբերյալ Պապի ստերի» մասին: