«Հրապարակ» օրաթերթը գրում է. «Երեկ խելահեղ օր էր՝ իրադարձություններով ու նյարդային վիճակներով լի։ Հայաստան էր ժամանել Եվրոպայի քաղաքական ամենահայտնի դեմքերից մեկը՝ Գերմանիայի արտգործնախարար, ԵԱՀԿ գործող նախագահ Ֆրանկ-Վալտեր Շտայնմայերը, որի այցը ղարաբաղյան կոնֆլիկտի թեժացման փուլից եւ Գերմանիայի կողմից ցեղասպանությունը ճանաչելուց հետո ավելի քան էական է։ Մի քանի օրից էլ՝ հուլիսի 4-ին, Հայաստան կժամանի Ռուսաստանի արտաքին գործերի նախարար Սերգեյ Լավրովը։ Այնպիսի տպավորություն է, որ ԼՂՀ կոնֆլիկտի կարգավորման «վերմակը» միմյանց վրա քաշելու պրոցեսը թեժանում է։ «Վերմակ» իր վրա քաշելու բուռն պրոցես է ընթանում նաեւ մեր ընդդիմության դաշտում՝ այստեղ թեժ պայքար է ընթանում «ընդդիմադիրի» կոչման համար։ Դիմակներ են պատռվում, «ռազբիրատի» կոչեր են հնչում, հայհոյանքներ, հեգնանք ու հումոր»:
Ավելի մանրամասն՝ թերթի այսօրվա համարում:
.gif)
