«Ես ներկայացնում եմ «Օրինաց երկիր» կուսակցությունը եւ ԱԺ համամասնական խմբակցությունը, ուստի Ձեր հարցման հետ կապված իմ մոտեցումները համապատասխանում են «Օրինաց երկիր» կուսակցության՝ այդ կապակցությամբ արդեն արտահայտած հրապարակային դիրքորոշմանը»:
Սա ՕԵԿ-ական պատգամավորի պատասխանն էր իրավապաշտպան Արթուր Սաքունցի ուղարկած հարցմանը՝ Մաքսային միությանն անդամակցելու վերաբերյալ: Հետաքրքիրն այն է, որ պատասխանողը միայն Խ. Հարությունյանը չի եղել, եւ բոլոր ՕԵԿ-ական պատգամավորների պատասխանը ոչ մի բառով չի տարբերվել Խ. Հարությունյանի պատասխանից: Փաստորեն, ունեն պատասխանի շաբլոն ձեւ, որը copy-paste են անում եւ ուղարկում, որպեսզի ջանք չթափեն ու նույնիսկ փոքրիկ տեքստ գրեն, սեփական միտք արտահայտեն: Բայց դե որտեղի՞ց արտահայտեն այդ սեփական միտքը, երբ այն չունեն, երբ նրանք ընդամենը նեխած համակարգի մի բաղադրիչ են:
.gif)
