Անգլիական «Մանչեսթեր Յունայթեդը» պաշտոնապես հայտարարել է Դորտմունդի «Բորուսիայի» կիսապաշտպան Հենրիխ Մխիթարյանի տեղափոխության մասին:
Հայաստանի ազգային հավաքականի կիսապաշտպանը կնքել է 4-ամյա պայմանագիր՝ հետագայում այն եւս 1 տարով երկարաձգելու պայմանով:
«Ես շատ հպարտ եմ, որ տեղափոխվել եմ «Մանչեսթեր Յունայթեդ»: Ինձ համար սա կատարված երազանք է: Ուրախ եմ, որ հնարավորություն եմ ստացել հանդես գալու այսպիսի հարուստ պատմություն ունեցող թիմում: Շնորհակալություն եմ ուզում հայտնել թիմին եւ Ժոզե Մոուրինյոյին` ինձ վստահելու համար: Վերջում ցանկանում եմ նշել, որ խաղալով այսպիսի թիմում` հարգում եմ հորս հիշատակը, ով ինձ մանուկ հասակից ներշնչել է սիրել ֆուտբոլը», – նշել է նա:
.gif)
