Սիսիանում ավտոմեքենան գլորվելով ձորը` ամբողջությամբ այրվել է

Հուլիսի 8-ին, ժամը 22.24–ին տեղեկություն է ստացվել, որ Սիսիան-Վաղատնի ավտոճանապարհի 12-րդ կմ-ին հրդեհ է բռնկվել քաղաքացու վարած «VOLVOXC 90» մակնիշի 34 TM 214 պետհամարանիշով ավտոմեքենայում:

Դեպքի վայր է մեկնել մեկ մարտական հաշվարկ:

Պարզվել է, որ ավտոմեքենան մոտ 50 մետր հրդեհի բռնկմամբ գլորվել է ձորը. տուժածներ չկան:

Հրդեհը մեկուսացվել է ժամը 22.40-ին, մարվել՝ 22.54-ին: Մեքենան ամբողջությամբ այրվել է: