Կարկուտը վնասներ է հասցրել ՀՀ որոշ տարածքների

ՀՀ արտակարգ իրավիճակների նախարարություն հուլիսի 10-ին, ժամը 10.43-ին տեղեկատվություն է ստացվել, որ Կոտայքի մարզի Սոլակ և Քաղսի գյուղերում ժամը 00.00-ից մինչև 00.40-ը տեղացած կարկուտը վնասել է հողատարածքներ:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է, որ կարկտահարության հետևանքով վնասվել են Քաղսի գյուղի 9 և Սոլակ գյուղի 5 տներին հարակից հողատարածքներ:

Ահազանգի վերաբերյալ տեղեկատվությունը փոխանցվել է մարզպետարանի գյուղատնտեսության բաժնի պետին:

Նույն օրը, ժամը 10.06-ին տեղեկատվություն է ստացվել, որ Լոռու մարզի Ծաղկաշատի գյուղում ժամը 00.30-ից մինչև 00.50-ը կարկուտ է տեղացել:

Վնասի չափերը որոշելու համար ս.թ. հուլիսի 11-ին կկազմվի հանձնաժողով: