Սամցխե Ջավախքում ձերբակալվել է երիտասարդ կնոջն ու նրա երեք երեխաների սպանության մեջ կասկածվող անձը: Այս մասին հաղորդում է «Արմենպրես»-ը` հղում կատարելով «Грузия online»-ին:
Հետաքննության տվյալներով, ձերբակալվածը` 24-ամյա Նոդար Ա.-ն, ներթափանցել է Ախալքալաքի շրջանի Վաչիանի գյուղի բնակիչներից մեկի տուն` նպատակ ունենալով կողոպտել: Տանտիրուհին և ընտանիքի անդամները նկատել են գողին և դիմադրություն են ցույց տվել: Նոդար Ա-ն 36-ամյա կնոջը և նրա անչափահաս երեխաներին բութ գործիքով հարվածներ է հասցրել գլխի շրջանում: Տուժածները տեղում մահացել են:
Դեպքի առիթով հարուցվել է քրեական գործ, քննությունը կատարվում է Վրաստանի Քրեական օրենսգրքի 3-րդ Հոդվածի 109 կետի մասով:
.gif)
