Հայաստանի ազգային օլիմպիական կոմիտեի պաշտոնական կայքը «Ճանապարհ դեպի Ռիո» նախագծում ներկայացնում է Օլիմպիական խաղերում Հայաստանը ներկայացնող մարզիկներին և նրանց օլիմպիական լուսանկարները, որոնք արվել են լուսանկարիչ Հակոբ Բերբերյանի կողմից՝ հատուկ «Ճանապարհ դեպի Ռիո» նախագծի համար:
Մեր նախագծի հաջորդ հերոսը անկախ Հայաստանի ամենաերիտասարդ օլիմպիականն է՝ վազորդ Գայանե Չիլոյանը: Նա ծնվել է 2000 թվականին Երևանում: Աթլետիկայով զբաղվում է 10 տարեկանից: Վազորդն Օլիմպիական խաղերի ուղեգիր նվաճեց Հայաստանի առաջնության ժամանակ: Գայանեն բավականին իրատես է մեծ ակնակալիքներ չունի 31-րդ առամային Օլիմպիական խաղերից, սակայն գիտի, որ այս խաղերին իրեն անփոխարինելի փորձ կտան:
–Խաղերին ի՞նչ թալիսման ես հետդ տանելու:
-Ցանկացած մրցման, երբ գնում եմ ես նուռ եմ տանում և բաժանում եմ մասնակիցներին:
–Ու՞մ կուզեիր կողքիդ կամ հանդիսատեսի շարքում տեսնել:
-Մարզչիս:
–Նկարագրիր Օլիմպիական խաղերը երեք բառով:
-Ուժ,համբերություն, փառք:
–Ո՞ւմ հետ ես առաջինը կիսելու հաջողությունդ:
–Մրզիչիս և մայրիկիս:
–Ինչպե՞ս կուզես, որ հիշվեն այս Օլիմպիական խաղերը:
-Հույս ունեմ, որ սա մ վերջին Խաղերը չեն լինի, իսկ Ռիոյի Խաղերը կհիշեն, որպես առաջին խաղեր:
Աթլետներ՝ Լիլիթ Հարությունյան
Մարմնամարզիկներ՝ Հուրի Գեբեշյան
Ըմբիշներ՝ Լևան Բերիանիձե
Հրաձիգ՝ Հրաչ Բաբայան
Բռնցքամարտիկներ՝ Նարեկ Աբգարյան
ՀԱՕԿ լրատվության բաժին
.gif)
