Նիսում հանգստացող Ֆինլանդիայի քաղաքացի Օլի Անտոնենը պատմել է, թե ինչպես է հրաշքով փրկվել Բաստիլի գրավման տոնակատարության ժամանակ իրականացված ահաբեկչության ժամանակ, փոխանցում է Yle-ն:
Անտոնենի խոսքով՝ ինքն ու իր կինը ահաբեկչության ժամանակ վերադառնում էին հյուրանոց, երբ տեսել են, թե ինչպես է բեռնատարը մեծ արագությամբ շարժվում ծովափին հավաքվածների ուղղությամբ:
«Հանկարծակի մարդիկ սկսեցին բղավել, և մեծ մեքենան արագությամբ մխրճվեց ծովափին հավաքվածների մեջ: Արագությունը ժամում մոտ 80-90 կմ էր: Բեռնատարը ամեն ինչ ճզմում էր իր ճանապարհին»,-պատմել է նա:
Մեքենան գտնվել է ամուսիններից 10 մ հեռավորության վրա:
«Այժմ ողջ քաղաքը շոկի մեջ է: Ինչպես պատերազմում»,-նշել է նա՝ հավելելով, որ մտադիր է Ֆինլանդիա վերադառնալ:
Ահաբեկչությունից հետո ողջ Ֆրանսիայում եռօրյա սուգ է հայտարարվել:
.gif)
