«Պուտինը, հանդիսանալով Մինսկի խմբի համանախագահ, պետության ղեկավար, ե՛ւ բարոյական, ե՛ւ իրավական անհրաժեշտ հիմքերն ունի Ստեփանակերտ այցելելու եւ տեղում ստեղծված իրավիճակին ծանոթանալու»:

ՀՀ նախագահի հավերժ թեկնածուն այս անգամ կարծես թե որոշել է 5 տարի չսպասել, քանի որ ժամանակ առ ժամանակ նորից հայտնվում է եւ ասում իր «հեղինակավոր» խոսքը: Իսկ եթե ասում է, նշանակում է՝ այդ խոսքն ինչ-որ մեկին պետք է, եւ այդ ինչ-որ մեկն էլ դժվար թե լինի հայաստանյան հանրությունը, քանի որ ընտրությունների ժամանակ արդեն 2 անգամ հստակ երեւացել է, թե որքանով է հայաստանյան հանրությունը հետաքրքրված նախագահի այս թեկնածուով: Այսինքն՝ այդ ինչ-որ մեկին պետք է փնտրել Հայաստանից դուրս, հատկապես որ Մելիքյանն արդեն հանդես է գալիս բացահայտ «պուտինասիրությամբ»: