ArmLur.am–ը Երեւանում տեղի ունեցող իրադարձությունների եւ ԼՂՀ հակամարտության կարգավորման հարցի շուրջ զրուցել է ԼՂՀ ԱԺ «Դաշնակցություն» խմբակցության պատգամավոր Դավիթ Իշխանյանի հետ:
–Պարո′ն Իշխանյան, Հայաստանում տեղի ունեցող իրադարձությունները Ձեր կարծիքով ինչո՞ւ սկսվեցին:
-Բնականաբար շատ անտրամաբանական եւ անհեթեթ քայլի են դիմել եւ նրանք, այսպես ասած, որեւէ ձեւով քաղաքական պայքարի ժամանակակից մեթոդ չեն որդեգրել: Կարծում եմ, որ այս փուլում, գոնե այս հանգրվանում շատ կարեւոր է, որպեսզի հավելյալ արյունահեղություն չլինի եւ արդեն իսկ հետեւելով տեսնում եմ, թե իշխանությունների կողմից է ցուցաբերվում համապատասխան ողջախոհություն` խուսափելու հավելյալ արյուն թափվելուց: Ուղղակիորեն պետք է խոսք ուղղեմ այդ տղաներին, որքանով հնարավոր է իրենք զերծ մնան եւ կարողանան գոնե այսքանից հետո հարմար նպատակաուղղված ելքով դուրս գալու այդ ճակատից: Իսկ այդ հիմնական նպատակը խուսափել արյունահեղությունից եւ հավելյալ զոհերից:
-Արցախում ի՞նչ կոչեր են պտտվում. ձեր ընդդիմության ներկայացուցիչ Հայկ Խանումյանն ասաց, որ անհապաղ պետք է ազատ արձակվի Ժիրայր Սէֆիլյանը եւ մասնակցի բանակցությունների: Ո՞րն է խնդրի հանգուցալուծման Ձեր մոտեցումը
-Իշխանության հարցն է: Տարբեր ձեւի տեղեկատվություններ են հնչում իրենց ներկայացված պահանջների մասին: Բայց այնուհանդերձ կարծում եմ, որ կարծես թե իշխանությունները փորձում են երկխոսության լեզվով հարցին լուծում տալ` խուսափելով գոնե միջազգային ասպարեզում հայտնի նման կարգի իրավիճակներում ստեղծված մեթոդների որդեգրումից:
– Լուրեր են պտտվում այն մասին, որ ԼՂՀ ՊԲ գնդապետ Սամվել Կարապետյանը` Օգանովսկին ինչ որ քանակությամբ զորք է տեղափոխել Երեւան` իշխանություններին անհրաժեշտ օգնություն ցուցաբերելու համար: Նկատենք, որ ամեն անգամ նման իրադարձությունների ժամանակ հենց այս զինվորականի նման գործողության մասին խոսվում: 2008 թվականի մարտի 1-ի իրադարձությունների ժամանակ էլ էր նույնը խոսվում:
-Ես տեղյակ եմ, որ Ղարաբաղից ոչ մի զինվոր, ոչ մի ոստիկան չի տեղափոխվել Երեւան, պաշտոնական տեղեկատվություն ունեմ: Եւ այլ ձեւով ներկայացնել, մեկնաբանել մի քիչ անհեթեթ է:
–Պարո′ն Իշխանյան, Սերժ Սարգսյանը, անդրադառնալով այս խնդրին ՀՀԿ-ականներին, ասել է, որ այլընտրանք չկա կամ պետք է տարածքներ զիջենք, կամ պատերազմ սկսվի:
-Որեւէ նման տեղեկատվություն մենք չունենք:
–Այս օրերին Սերժ Սարգսյանը կրկին Արցախում էր: Տեղյակ եք ի՞նչ է խոսվել:
-Վերջերս մի քանի անգամ Սերժ Սարգսյանը այցելել է Արցախ եւ տրվել է պաշտոնական տեղեկատվություն: Բնականաբար թեման անվտանգության հիմնախնդիրներ են եւ ապրիլից հետո ստեղծված կացության եւ դրա հետեւանքները վերացնելու հարցերը: Հիմնական խնդիրը այդ է, ես չեմ եղել որեւէ հանդիպման, որ կարողանամ ավելի մարամասնորեն ներկայացնեմ, բայց պաշտոնական տեղեկատվությունը այդ է, եւ մենք ունենք ընդամենը այդ տեղեկատվությունը:
Արփինե Թովմասյան
.gif)
