Արաբկիր և Քանաքեռ-Զեյթուն վարչական շրջանների ընդհանուր իրավասության դատարանն այսօր բավարարել է քննիչի միջնորդությունը: Ըստ այդմ, երկու ամսով կալանավորվեց «Սասնա ծռեր» խմբավորման անդամ Արայիկ Խանդոյանը Միայնակ Գայլը։
Այս մասին ArmLur.am-ին հայտնեց նրա պաշտպան Արա Ղարագյոզյանը: Վերջինս նշեց, որ Խանդոյանը հրաժարվել է վերցնել դատարանի որոշումը՝ այն քաղաքական որակելով։ Ղարագյոզյանը նաև հայտնեց, որ այսօր կալանավորման որոշում է կայացվել նաև «Սասնա ծռեր» խմբի անդամ Վարուժան Ավետիսյանի նկատմամբ:
Հիշեցնենք` Խանդոյանին մեղադրանք է առաջադրվել ՀՀ քրեական օրենսգքրի 218 հոդվածի 3-րդ մասի 1-ին կետով (պատանդ վերցնելը) և 235 հոդվածի 3-րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը):
Նույն մեղադրանքներն է առաջադրվել նաև Վարուժան Ավետիսյանին:
.gif)
