Դավիթ Սանասարյանն անցել է բժշկական հետազոտություն, և երիկամներում ընդամենը ավազ է հայտնաբերվել: Այս մասին ArmLur.am-ի հետ զրույցում ասաց նրա պաշտպան Ռոբերտ Ռևազյանը:
Նա նաև նշեց, որ դեռևս Սանասարյանի մոտ առկա են կրկնվող գլխացավերը, որոնք, ըստ ամենայնի, ոստիկանների կողմից ծեծի ենթարկվելուց հետո ստացած ուղեղի ցնցումի հետևանքներն են: Բուժման և դեղորայք ստանալու մասին մանրամասները փաստաբանին դեռևս հայտնի չեն:
Հիշեցնենք, որ Դավիթ Սանասարյանը բերման էր ենթարկվել հուլիսի 27-ին, իսկ օգոստոսի 1-ին դատարանի որոշմամբ կալանավորվել է երկու ամսով: Նրան մեղադրանք է առաջադրվել 225-րդ հոդվածի 1-ին մասով (Զանգվածային անկարգություններ կազմակերպելը):
.gif)
