Հիվանդանոցից նոյեմբերի 11-ին՝ ժամը 23.20-ին, ոստիկանության Տաշիրի բաժնում հաղորդում է ստացվել, որ կրծքավանդակի ծակած-կտրած վերքով բուժօգնության է դիմել 1987 թ. ծնված Արման Ս.-ն, որը, ըստ բժշկի տեղեկանքի, ի վիճակի չի եղել հաղորդում տալու: Այս մասին հաղորդում է ոստիկանությունը:
Ձեռնարկված օպերատիվ-հետախուզական միջոցառումների շնորհիվ, վնասվածքը պատճառելու կասկածանքով, նոյեմբերի 12-ին, ժամը 03.30-ին, բերման է ենթարկվել 1987 թ. ծնված Զավեն Ա.-ն, ում վերագրվում է, որ նոյեմբերի 11-ին, ժամը 23.00-ի սահմաններում, Տաշիր քաղաքի գերեզմանատան ճանապարհին տեղի ունեցած վիճաբանության ժամանակ դանակով հարվածել է Արման Ս.-ին:
Նշանակվել է դատաբժշկական փորձաքննություն: Զավեն Ա.-ն ձերբակալված է:
.gif)
