ՀԱՐՑ. Եթե բնակելի տարածության օգտագործման իրավունքի պետական գրանցում չի կատարվել, ապա նման դեպքերում հնարավո՞ր է՝ կիրառվեն տուգանքներ, եւ, ընդհանրապես, ի՞նչ հետեւանքներ կարող են առաջանալ դրա պատճառով:

ՊԱՏԱՍԽԱՆ. Եթե անձը մինչեւ 1999թ. հունվարի 1-ը սահմանված կարգով հաշվառված (գրանցված) է եղել բնակելի տարածությունում եւ 04.10.2005թ. ՀՕ-188-Ն «Հայաստանի Հանրապետության հողային օրենսգրքում լրացումներ եւ փոփոխություններ կատարելու մասին» ՀՀ օրենքը ուժի մեջ մտնելու պահը մշտապես կամ առավելապես բնակվել է այդ բնակարանում, ապա մինչեւ 2006թ. դեկտեմբերի 31-ը սեփականատիրոջ կողմից բնակության իրավունքը դադարեցնելու հայցադիմում ներկայացնելիս փոխհատուցումը կատարվում է ՀՀ քաղաքացիական օրենսգրքի 225-րդ հոդվածով սահմանված կարգով:
Եթե սեփականատիրոջ կողմից բնակության իրավունքը դադարեցնելու հայցադիմումը ներկայացվում է դատարան 2007թ. հունվարի 1-ից հետո, ապա իրավունքի դադարեցման դեպքում փոխհատուցման իրավունքից օգտվում են միայն այն անձինք, որոնց բնակելի տարածության նկատմամբ օգտագործման իրավունքը գրանցված է սահմանված կարգով: («Հայաստանի Հանրապետության քաղաքացիական օրենսգրքում լրացումներ եւ փոփոխություններ կատարելու մասին» ՀՀ օրենքի 32-րդ հոդված):

«ԺՈՂՈՎՈՒՐԴ». Կարծում ենք՝ որքան էլ երկար եւ ժամանակատար լինի պետական գրանցման գործընթացը, ամեն դեպքում նախընտրելի է այն կատարել ժամանակին եւ հավուր պատշաճի՝ ավելորդ գումարների վատնումից խուսափելու համար: