Այսօր ազատամարտիկ, «Սասնա ծռեր» խմբի անդամ Պավել Մանուկյանի պաշտպան Ինեսսա Պետրոսյանը հայտնել է, որ վաղը Պավել Մանուկյանի ոտքը վիրահատելու են։ Վիրահատությունը տեղի կունենա «Դատապարտյալների հիվանդանոցում»։
Այս առնչությամբ ArmLur.am-ը զրուցեց Պավել Մանուկյանի կնոջ` տիկին Մարինեի հետ: Վերջինս մեզ հետ զրույցում հայտնեց, որ այսօր փաստաբանի միջոցով է միայն իմացել, որ վաղն ամուսնուն վիրահատելու են:
«Ո՛չ թողնում եմ տեսնեմ բժշկին, ո՛չ էլ իրեն: Ի՞նչ իմանում ենք, փաստաբանից ենք իմանում»,- ասաց Պավել Մանուկյանի կինը:
Նշենք, որ այսօր դատական նիստի ընթացքում Պավել Մանուկյանի ինքնազգացողությունը վատացել է, և ստիպված են եղել նիստը ընդհատել` նրան ցավազրկողներ ներարկելու համար:
Հիշեցնենք, որ Վերաքննիչ դատարանը վաղը կհրապարակի նրա կալանքը փոփոխելու կամ նույնը թողնելու մասին որոշումը:
.gif)
