Ուժը կորցրած է ճանաչվել «ՍԵՅՎՐ» ՍՊԸ գրավատնային գործունեության լիցենզիան

ԿԲ խորհրդի օգոստոս 16-ի որոշմամբ ուժը կորցրած է ճանաչվել «ՍԵՅՎՐ» ՍՊԸ՝ ՀՀ, ք.Երևան, Ե.Կողբացու փող., 42 շենք, թիվ 55 բն. և ՀՀ, ք.Երևան, Կարապետ Ուլնեցու փողոց 3-րդ փակուղի 4/3 հասցեներում գտնվող տարածքներում գրավատնային գործունեության իրականացման թիվ ԳԳ-Ե 145 լիցենզիան (տրված` 28.04.2009թ.)՝ գրավատան կազմակերպչի դիմումի համաձայն:

Սահմանվել է, որ որոշումն ուժի մեջ մտնելու պահից գրավատունն իրավունք ունի կատարել միայն այնպիսի գործողություններ, որոնք կապված են մինչև լիցենզիայի գործողության դադարեցումը կնքված վարկային և պահատվության պայմանագրերից բխող իրավունքների և պարտականությունների կատարման հետ,
«ՍԵՅՎՐ» ՍՊԸ և ֆիզիկական անձանց միջև կնքված վարկային և պահատվության պայմանագրերը կարող են սույն որոշման ուժի մեջ մտնելու պահից կողմերի նախաձեռնությամբ վաղաժամկետ լուծվել` համաձայն ՀՀ քաղաքացիական օրենսգրքի 467-րդ հոդվածի 1-ին մասի, վարկառուների կողմից վերցված վարկը և մինչև պայմանագրի լուծման պահը դրա դիմաց սահմանված տոկոսները և գումարի օգտագործման հետ կապված այլ վճարները մարելուց, պահատվության պայմանագրի դիմաց վճարումները կատարելուց, ներառյալ` գույքի պահատվության հետ կապված գրավատան կրած սովորական և արտակարգ ծախսերը հատուցելուց և գրավատան կողմից որպես գրավ կամ ի պահ ընդունված գույքը վերադարձնելուց հետո: