Եվրասիական տնտեսական միության (ԵԱՏՄ) մաքսային սահմանի վերահսկող մարմինների փոխգործակցության կոնսուլտատիվ կոմիտեն օգոստոսի 22-ին Մոսկվայում կոնցեպտուալ կերպով հավանություն Է տվել եվրասիական «հնգյակի» երկրների մաքսային մարմինների պաշտոնատար անձանց համար նախատեսված հրահանգին, որոնք ավտոմոբիլային (խառը) անցակետերի տրանսպորտային վերահսկողություն են իրականացնում:
Ինչպես պատմել Է Կոնսուլտատիվ կոմիտեի նախագահ, Եվրասիական տնտեսական հանձնաժողովի (ԵԱՏՀ) մաքսային համագործակցության նախարար Մուքայ Քադիրկուլովը, «հրահանգը պետք Է տրանսպորտային վերահսկողության միատեսակ իրականացում ապահովի Միության ամբողջ մաքսային սահմանին»:
Նաեւ Կոնսուլտատիվ կոմիտեի 10-րդ նիստի ընթացքում քննարկվել Է այն հանձնարարականի մշակումը, որը պետք Է մերձեցնի ԵԱՏՄ-ի երկրների մոտեցումները Եվրասիական տնտեսական միության մաքսային սահմանով անձանց, փոխադրամիջոցների, բեռների, ապրանքների եւ կենդանիների բացթողումն ավտոմոբիլային (խառը) անցակետերում կազմակերպելու գործում:
Կոնսուլտատիվ կոմիտեն միաձայն հավանություն Է տվել Միության տարածք ներկրվող ապրանքների եւ փոխադրամիջոցների վերաբերյալ նախնական իրազեկման ինստիտուտի զարգացման նպատակով փորձագիտական խմբի ստեղծմանը: Կոմիտեի նիստում նաեւ քննարկվել են անցակետերում վերահսկող մարմինների փոխգործակցության կատարելագործման մի շարք այլ կարեւոր հարցեր:
.gif)
