Հայաստանի ԱԻՆ-ում, օգոստոսի 27-ին, ժամը 20.38-ին ահազանգ է ստացվել, որ Լոռու մարզի Լալվար սարի գագաթին 6 հոգուց բաղկացած արշավախմբում արշավորդները վնասվածքներ են ստացել եւ չեն կարողանում ինքնուրույն իջնել. անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Որոնողական աշխատանքներին մասնակցել են 5 փրկարար, Կաճաճկուտի գյուղապետը եւ տեղի 3 բնակիչ:
Փրկարարները հայտնաբերել են արշավախմբի անդամներ 34-ամյա Լ. Բ.-ին, 25-ամյա Ս. Գ.-ին, 58-ամյա Վ. Խ.-ին, 26-ամյա Ա. Դ.-ին, 36-ամյա Ա. Մ.-ին եւ 58-ամյա Ա. Տ.-Վ.-ին (Ավստրալիայի քաղաքացի):
Փրկարարները արշավախմբի անդամներին տեղափոխել են թիվ 40 ՀՓՋ:
.gif)
