Ամերիկայի թենիսի բաց առաջնության կանանց մրցաշարում հայտնի են կիսաեզրափակիչի երկու մասնակիցները

«US Open-­2016» -ում Դանիայի ներկայացուցիչ Կարոլին Վոզնյացկին 6-­0, 6-2 հաշվով դյուրին հաղթանակ է տարել Լատվիան ներկայացնող Անաստասիա Սեվաստովայի նկատմամբ: Քառյակ է մտել նաեւ մրցաշարի երկրորդ համար Անժելիկ Կերբերը: Գերմանուհին 7­-5, 6-­0 հաշվով պարտության է մատնել իտալուհի Ռոբերտա Վինչիին: Վոզնյացկին ու Կերբերը կհանդիպեն կիսաեզրափակիչում:

Քառորդ եզրափակիչի մյուս զույգերը կազմել են Սերենա Ուիլյամսն ու Սիմոնա Հալեպը, Անա Կոնուհն ու Կարոլինա Պլիշկովան: