ՀՀ Ազգային Ժողովում մեծ թիվ են կազմում այն պատգամավորները, ովքեր օրենսդիր դաշտում են հայտնվել իրենց բարեկամ այս կամ այն պաշտոնյայի շնորհիվ. ՀՀԿ պատգամավոր Կորյուն Նահապետյանը ևս բացառություն չէ:
Ինչպես հայտնի է՝ ՀՀ ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանը 2009-ին պատգամավոր դարձավ գործարար Սամվել Ալեքսանյանի ազգականը լինելու շնորհիվ, երբ Մալաթիայի պատգամավոր Հակոբ Հակոբյանը 2008-ին կալանավորվեց: Նույն Ալեքսանյանի շնորհիվ Նահապետյանը 2012-ին ևս մանդատ ստացավ և դարձավ մշտական հանձնաժողովի նախագահ:
Նահապետյանի գույքի և ունեցվածքի մասին 2015 թվականի հայտարարագրից պարզ է դառնում, որ նա հաշվետու տարում շարժական կամ անշարժ գույք չի գնել, փոխառություն չի հանձնել, ոչ էլ տվել: Նա միայն լրացրել է դրամական միջոցներ բաժինը, ըստ որի, պատգամավորը հաշվետու տարում ունեցել է 14 մլն դրամ և 35 հազար դոլար: Իսկ մեկ տարվա ընթացքում նա կարողացել է վաստակել 8 մլն 314 հազար դրամ, որից 48 հազար դրամը գոյացել է քաղաքացիաիրավական այլ պայմանագրերից ստացված եկամուտի շնորհիվ:
.gif)
