Ռուսաստանից զենքի արտահանման ընդհանուր գումարը 2016թ. հունվարից մինչև օգոստոս հասել է մոտ 8 միլիարդ դոլարի: Այս մասին, ինչպես հաղորդում է «ՌԻԱ Նովոստի»-ն, հայտարարել է ՌԴ ռազմատեխնիկական համագործակցության դաշնային ծառայության ղեկավարի տեղակալ Անատոլի Պունչուկը:
«8 ամսվա ընթացքում ընդհանուր արտահանումը կազմել է մոտ 8 միլիարդ: Սկզբունքորեն, տարեկան վաճառքները նույն կերպ են ընթանում. տարեսկզբից առավել քիչ, ապա թափ են հավաքում տարեվերջին և վերադառնում են պլանավորված ծավալներին»,-ասել է Պունչուկը Africa Aerospace and Defence միջազգային օդատիեզերական ցուցահանդեսի շրջանակներում:
Ինչպես ավելի վաղ հայտնել է ՌԴ նախագահ Վլադիմիր Պուտինը, Ռուսաստանը 2015թ. 14,5 միլիարդ դոլարի զենք է վաճառել:
.gif)
