Հունաստանում ռազմական ուղղաթիռ է կործանվել

Հունաստանում երկրի ռազմաօդային ուժերին պատկանող Apache հարվածային ուղղաթիռ է կործանվել, փոխանցում է «ՌԻԱ Նովոստի»-ն՝ հղում անելով Աթենքի լրատվական գործակալությունը:

Գործակալության տեղեկություններով՝ դեպքը տեղի է ունեցել Սալոնիկի քաղաքի մոտակայքում առավոտյան ժամը 09:00-ի սահմաններում:

Ուղղաթիռի երկու օդաչուները ողջ են մնացել և հոսպիտալացվել: Ուղղաթիռի կործանման պատճառները դեռևս հայտնի չեն:

Ինչպես հայտնել են հունական բանակի գլխավոր շտաբում, ուղղաթիռը մասնակցում էր SARISA-2016 ուսումնավարժություններին: