Ռուսաստանի էներգետիկայի նախարար Ալեքսանդր Նովակը հայտնել է, թե երբ Ռուսաստանը կհաստատի «Թուրքական հոսք» գազատարի կառուցման նախագիծը, գրում է Ermenihaber-ը:
Թուրքական իշխանամետ «Sabah» թերթի տեղեկացմամբ՝ ռուս նախարարը նախագծի հաստատման ժամկետների մասին խոսել է ռուսական «Россия 24» հեռուստաալիքին տված հարցազրույցի ժամանակ՝ «Թուրքական հոսք» նախագծին վերաբերյալ հարցերին պատասխանելիս:«Միջկառավարական պայմանագրի մասին օրինագիծը կարող է հաստատվել մինչև հոկտեմբերի կեսերը կամ ավելի կարճ ժամանակահատվածում»,-հայտնել է Նովակը:
Նշենք, որ «Թուրքական հոսք» նախագիծն առաջ էր քաշվել Ռուսաստանի նախագահ Վլադիմիր Պուտինի կողմից՝ դադարեցված «Հարավային հոսք» նախագծի փոխարեն:
.gif)
