Վանաձորում ծննդկան է մահացել. նշանակվել է դատաբժշկական փորձաքննություն

Երեկ` հոկտեմբերի 18-ին, Վանաձորի ծննդատանը ծննդկան է մահացել` Վանաձորի մերձակա Գուգարք գյուղի բնակչուհի 32-ամյա Հռիփսիմե Նազլուխանյանը:

Տեղեկությունը Վանաձորի ծննդատնից ArmLur.am-ի հետ զրույցում հաստատեցին:

Պարզվում է` սա եղել է կնոջ առաջին ծննդաբերությունը, երեխան ծնվել է առողջ:

Ծննդատնից նաև հայտնեցին, որ մահվան հանգամանքները պարզելու համար նշանակվել է դատաբժշկական փորձաքննություն: