Երեկ հայտնի դարձավ, որ դադարեցվել են Կոտայքի մարզի ընդհանուր իրավասության առաջին ատյանի դատարանի դատավոր Յուրի Բաղդասարյանի եւ ՀՀ վերաքննիչ քրեական դատարանի դատավոր Արարատ Պետրոսյանի լիազորությունները։ Լրացել է դատավորների 65 տարին։ Իսկ ինչո՞վ են զբաղվելու թոշակի անցած դատավորները: Արարատ Պետրոսյանը, պարզվեց, դեռ չի որոշել: «Ժողովուրդ»-ի հետ զրույցում դատավորը խնդրեց իրեն չշտապեցնել. «Ժամանակը ցույց կտա: Եկեք դեռ դրա մասին չխոսենք, լա՞վ»,- ասաց դատավորը:
Իսկ Յուրի Բաղդասարյանը երկու ամիս հանգստանալուց հետո կանցնի դասախոսական գործունեության. «Փաստաբանի գործը իմը չէ»,- թոշակի անցած դատավորների շրջանում տարածված տարբերակներից մեկին այսպես արձագանքեց Ա. Պետրոսյանը: Վերջինս վստահեցրեց, որ իրեն վճիռներ կայացնելու ժամանակ երբեք չեն ճնշել. «Ես ճնշվող կերպար չեմ: Վճռաբեկի նախագահը երբեք իմ վճիռների վրա չի ազդել: Վճռաբեկի նախագահը ընդհանրապես իր խոսքն ասում է նախադեպային որոշումներով: Ինձ չեն ասել, չեմ բախվել նման բաների: Անկեղծ ասած՝ մեծ հնչեղությամբ գործեր չեմ էլ քննել, որ նման բան լինի»,- անկեղծացավ դատավորը:
.gif)
