Ալիևի հրամանով Ադրբեջանում լայնամասշտաբ զորավարժություններ են սկսվել

Ադրբեջանի նախագահ Իլհամ Ալիևի հրամանով՝ նոյեմբերի 12-18-ն Ադրբեջանի զինված ուժերում լայնամասշտաբ զորավարժություններ կանցկացվեն, գրում են ադրբեջանական ԶԼՄ-ները: Զորավարժությունների նպատակը զորքերի կառավարման համակարգի ու դաշտային պայմաններում զենքի տիրապետման ստուգումներն են: Այս մասին հայտնել են Ադրբեջանի ՊՆ մամուլի ծառայությունում:

Զորավարժություններին կմասնակցի մինչև 60 հազար մարդ, ավելի քան 50 ինքնաթիռ և ուղղաթիռ, ավելի քան 150 տանկ և զրահատեխնիկա, ինչպես նաև մինչև 700 հրթիռա-հրետանային համակարգ: