Հո՞ վարչապետի տված հանձնարարականները մեկօրյա չեն. Արմավիրի մարզպետ

Արդեն մի քանի օր է, ինչ Ազգային ժողովում շարունակվում են 2017 թվականի պետական բյուջեի քննարկումները: Նախօրեին Ազգային ժողովի տարածքային կառավարման և տեղական ինքնակառավարման հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստին ներկա էին ՀՀ մարզպետները, բացառությամբ Կոտայքի մարզպետի:

«Ժողովուրդ»-ը մարզպետներից հետաքրքրվեց, թե նորանշանակ վարչապետ Կարեն Կարապետյանի հանձնարարականներից կոնկրետ որոնք են իրականացրել, եւ արդյոք վարչապետը գոհ է նրանց աշխատանքից: Պարզվեց, որ մինչեւ դեկտեմբերի կեսը մարզպետները պետք է ներկայացնեն իրենց մարզերի զարգացման ռազմավարական ծրագրեր:

Արմավիրի մարզպետ Աշոտ Ղահրամանյան

-Պարո՛ն Ղահրամանյան, նորանշանակ վարչապետ Կարեն Կարապետյանի հանձնարարականներից կոնկրետ ո՞րն եք կատարել:

-Հո վարչապետի տված հանձնարարականները մեկօրյա չեն: Վարչապետը կոնկրետ հանձնարարական է տվել 2017 թվականի աշխատանքային գործունեության պլանը կազմել, մենք այն արդեն ուղարկել ենք: Հանձնարարել է մինչեւ դեկտեմբերի վերջ էլ մարզի 5-ամյա ռազմավարությունը մշակել:

-Վարչապետը գո՞հ է Ձեր աշխատանքից:

-Համենայնդեպս, ես ինքս դժգոհություն չեմ լսել:

զրուցեց Քնար Մանուկյանը