«ԱրմենՏել»-ը մեկնաբանել է ՀՀ տնտեսական մրցակցության պաշտպանության պետական հանձնաժողովի հայտարարությունը

Ի պատասխան ՀՀ տնտեսական մրցակցության պաշտպանության պետական հանձնաժողովի կողմից ս.թ. նոյեմբերի 9-ին տարածված մամուլի հաղորդագրության առ այն, որ «ԱրմենՏել» ընկերության կողմից հայտարարված մրցույթի պայմանները սահմանափակում են փոքր ընկերությունների գործունեությունը, նեկայացնում ենք «ԱրմենՏել» ընկերության մեկնաբանությունը.

«ՀՀ տնտեսական մրցակցության պաշտպանության պետական հանձնաժողովը իր 16.05.2016թ. որոշմամբ հարուցել է վարչական վարույթ Տրանս-Սֆեր ՍՊԸ-ի դիմումի հիման վրա: Հանձնաժողովի կողմից հարուցված վարչական վարույթը դադարեցվել է 25.07.2016թ. Թիվ 47 որոշմամբ`հաշվի առնելով, որ վարչական վարույթի ընթացքում ԱրմենՏել ՓԲԸ-ի կողմից «Տնտեսական մրցակցության պաշտպանության մասին» ՀՀ օրենքի խախտման փաստ չի հայտնաբերվել: Հետևաբար Հանձնաժողովի կողմից Ընկերությանը տրված նախազգուշացման որոշումն անհիմն է և բողոքարկված է ՀՀ Վարչական դատարանում: Ինչ վերաբերում է Տրանս-Սֆեր ՍՊԸ-ին, ապա, վերջինիս նկատմամբ Ընկերության դիմումի հիման վրա Գնումների աջակացման կենտրոնին ներկայացվել է հայտ մրցույթների մասնակցության իրավունք չունեցող անձանց ցուցակում ներառելու մասին: Դիմումի համար հիմք է հանդիսացել Տրանս-Սֆեր ՍՊԸ-ի կողմից մրցույթին ոչ ճիշտ տվյալներ ներկայացնելը, որով վերջինս խախտել է մրցույթի կանոնները: Ուստի ակնհայտ է, որ «ԱրմենՏել»–ի կողմից որևէ սահմանափակում տեղի չի ունեցել, քանի որ «ԱրմենՏել»–ը գործում է բոլորովին այլ ծառայությունների շուկայում:

Նշենք, որ այդ առումով մենք միակ պատվիրատուն չենք, Տրանս-Սֆեր ՍՊԸ-ի նկատմամբ, պատվիրատու է հանդիսանում նաև Հենակետային Քոլեջը:

Արմենիա Տելեֆոն Կոմպանի