ՌԴ արտաքին գործերի նախարար Սերգեյ Լավրովն ու Ֆրանսիայի արտաքին գործերի նախարար Ժան Մարկ Էյրոն հեռախոսազրույց են ունեցել, որի ընթացքում քննարկել են միջազգային մի շարք հարցեր:
Ինչպես հայտնել են ՌԴ ԱԳՆ մամուլի ծառայությունում, զրույցը տեղի է ունեցել ֆրանսիական կողմի նախաձեռնությամբ:
«Քննարկման ժամանակ ՌԴ ԱԳՆ ղեկավար Սերգեյ Լավրովը ուշադրություն է հրավիրել Սիրիայի իրավիճակում միակողմ գործողություններից զերծ մնալու անհրաժեշտության մասին, որոնք սրում են կոնֆլիկտը»,-ասվում է գերատեսչության հաղորդագրության մեջ:
ՌԴ ԱԳՆ-ն հայտարարել է նաև Ռուսաստանի հասցեին մեղադրանքների անթույլատրելիության մասին:
ՌԴ ԱԳՆ մամուլի ծառայության հաղորդմամբ՝ կողմերն անդրադարձել են նաև Լեռնային Ղարաբաղի հակամարտության կարգավորման հարցում ուղիներ փնտրելու անհրաժեշտությանն ու ԵԱՀԿ Մինսկի խմբի (Ռուսաստան, ԱՄՆ, Ֆրանսիա) գործունեությանը:
.gif)
