Այսօր արտակարգ իրավիճակ է ստեղծվել Կոտայքի մարզի Արգել գյուղում։ «Արգել» Փակ Բաժնետիրական Ընկերության մոտ 150 աշխատակիցներ փակել են Երևան-Արգել ավտոճանապարհը և սպառնում են չբացել այն, մինչև ընկերությունը բանվորների 1 տարվա աշխատավարձերը չվճարի։ Այս մասին ArmLur.am-ին հայտնեց Արգելի գյուղացիներից մեկը:
«Աշխատողները աշխատել են, բայց աշխատավարձ չեն ստացել: Վաղուց այդ հարցը մի քանի անգամ բարձրաձայնվել է, սակայն ոչ մի օգուտ չեն ստացել»,-ասաց նա:
Ըստ գյուղացիների՝ այս պահին մարզպետարանից ներկայացուցիչներ են եկել համայնք և խորհրդակցություններ են անցկացնում Արգելի գյուղապետի հետ:
Նշենք, որ «Արգել» Փակ Բաժնետիրական Ընկերությունն արտադրում է նորագույն տեխնոլոգիաներով ամրաններ:
Լուսանկարները՝ shamshyan.com-ից:
.gif)
