Վարդան Հովակիմյանը Հայաստանում այն եզակի նկարիչներից է, որն իր գործերը ստեղծում է գրիչով: Նոյեմբերի 28-ին «Նարեկացի» արվեստի միությունում տեղի ունեցավ նրա երկրորդ անհատական ցուցահանդեսը, որի շրջանակում այցելուներին ներկայացվեցին արտերկրի եւ Հայաստանի հայտնի արտիստների դիմանկարներ, 3D նկարներ եւ հայկական տարազներով կերպարներ: Նկարիչը ArmLur.am-ի հետ զրույցում տեղեկացրեց, որ մտադիր է առանձին անդրադարձ կատարել նաեւ հայկական եկեղեցիների թեմային:
Ի դեպ, Վարդան Հովակիմյանի դիմանկարների հերոսներն են դարձել հայ դերասաններից Ռաֆայել Քոթանջյանը, Հրանտ Թոխատյանը, Նազենի Հովհաննիսյանը, երգիչ, երգահան Ռուբեն Հախվերդյանը: Վերջինս մեզ հետ զրույցում անդրադառնալով այն հանգամանքին, որ նկարիչը մասնագիտական կրթություն չունի, շեշտեց, որ դա այս պարագայում բոլորովին էլ պարտադիր չէ:
Վարդան Հովակիմյանը, ով նաեւ մարզիչ է եւ դերասան, ArmLur.am-ի հետ զրույցում խոստովանեց, որ նկարչությունն իր կյանքում հոբբիից աստիճանաբար վերածվում է ավելի լուրջ զբաղմունքի:
Հավելենք, որ ցուցահանդեսին հրավիրված էին նաեւ ՀՀ մշակույթի նախարար Արմեն Ամիրյանն ու այլ պաշտոնյաներ, որոնք, սակայն, չէին ներկայացել միջոցառմանը:
Մանրամասները՝ ArmLur.am-ի տեսանյութում:
Աննա Բաբաջանյան, Հովսեփ Հովսեփյան, Նարեկ Սարգսյան
.gif)
