Եվրոպական խորհուրդը դեկտեմբերի 1-ին ընդունել է մանդատ, որը թույլատրելու է
Եվրահանձնաժողովին Հայաստանի հետ բանակցություններ սկսել օդային տրանսպորտի համապարփակ համաձայնագրի շուրջ: Ինչպես
հաղորդում է «Արմենպրես»-ը, այս մասին տեղեկացնում է Եվրոպական խորհրդի պաշտոնական կայքը:
Համապարփակ ԵՄ մակարդակի ավիացիոն համաձայնագիրը նպատակ ունի մեծացնել Եվրոպայի միջազգային կապվածությունը, ապահովել բարձրորակ ծառայություն և ավելի շատ առաջարկ ուղևորների համար, ինչպես նաև առաջ մղել ԵՄ ավիացիոն ինդուստրիայի միջազգային մրցողունակությունը:
Հայաստանի հետ փաստաթուղթը կունենա Ընդհանուր ավիացիոն համաձայնագրի բնույթ, քանի որ Հայաստանը այն երկրներից է, որի հետ ԵՄ-ն հարևանության քաղաքականության շրջանակում մերձավոր կապեր է ստեղծում:
«Մեր օրերում դժվար է պատկերացնել ճանապարհորդություն առանց ավիացիայի: Ավիացիոն համաձայնագրերը կարևոր միջոցներ են` թույլ տալու Եվրոպային ամենուր միանալ շուկայի աճին և ԵՄն ուղղակիորեն կապել այլ տարածաշրջանների
հետ: Ես ջերմորեն ողջունում եմ Հանձնաժողովի կանաչ լույսը` ուղղված Հայաստանի հետ բանակցություններ սկսելուն: Համաձայնագիրը կնպաստի զբոսաշրջիկների ակտիվ փոխանակմանը, ցածր գներին և կապահովի նոր բիզնես
հնարավորություններ մեր ընկերությունների համար: Դա Արևելյան գործընթացի համատեքստում ԵՄ և Հայաստանի միջև համագործակցության փայլուն օրինակ կլինի»,-նշել է Սլովակիայի ԵԽ նախագահ, տրանսպորտի, շինարարության և
տարածաշրջանային զարգացման նախարար Արփադ Էրսեկը:
Հանձնաժողովը կսկսի բանակցությունները ԵՄ և դրա անդամ պետությունների անունից:
.gif)
