ՌԴ նախագահ Վլադիմիր Պուտինը Չելյաբինսկի «Էտերնո» ընկերության աշխատակիցների հետ զրույցում պատմել է, թե ինչով կցանկանար զբաղվել իր քաղաքական կարիերայի ավարտից հետո, փոխանցում է Lenta.ru-ն:
Պուտինը խոստովանել է, որ շատ է սիրում ճանապարհորդել, սակայն միևնույն ժամանակ դժգոհել է, որ աշխատանքային խիտ գրաֆիկի պատճառով հնարավորություն չի ունենում ուշադրություն դարձնել բնությանն ու երկրի տեսարժան վայրերին, որտեղ նա այցելում է:
«Այսօր իմ բոլոր ճանապարհորդություններն ավարտվում են նրանով, որ ես մեկնում եմ օդանավակայան, որտեղից տեղափոխվում եմ ինչ-որ տեղանք, ապա նորից մեկնում օդանավակայան, և ստացվում է, որ ինչ-որ տեղ գնացի»,-ասել է Պուտինը:
Խոսելով իր երազանքի մասին՝ Պուտինն ասել է, որ ցանկանում է հաջող ավարտին հասցնել իր կարիերան:
Նշենք, որ Ռուսաստանում նախագահական ընտրությունները տեղի կունենան 2018թ.-ին:
.gif)
