ԼՈՒՐ ԿԱԴՐ

Լուսնակարն արվել է Վանաձոր-Դիլիջան ավտոճանապարհին

Թե ինչ սխրագործություն է արել Սեւուկը, ոչ ոք չգիտի, փաստն այն է, որ շան տերը մեծ գերեզման է կառուցել ու տապանաքար տեղադրել, որի վրա նկարված է Սեւուկ անունը կրող շունը:

 
ՀԱՐՑ. Ես ուզում եմ իմանալ՝ ե՞րբ է ընդհատվում ուսանողի ուսումնառությունը: Ո՞ր դեպքերում է թույլատրվում ուսանողին հեռացնել:

Մարիաննա Մնացականյան (49 տարեկան, տնային տնտեսուհի)

ՊԱՏԱՍԽԱՆ. Մ. Մնացականյանի հարցին ի պատասխան՝ տեղեկացնում ենք, որ ուսանողի ուսումնառությունն ընդհատվում է.
1) ժամկետային զինծառայության զորակոչվելու դեպքում,
2) առողջական վիճակի պատճառով ակադեմիական արձակուրդում գտնվելու դեպքում,
3) հղիության եւ ծննդաբերության, ինչպես նաեւ մինչեւ 3 տարեկան երեխայի խնամքի դեպքերում:

Հայաստանի Հանրապետության կրթության եւ գիտության նախարարություն

«ԺՈՂՈՎՈՒՐԴ». Տեղեկացնենք, որ բուհից հեռացված (ազատված) արական սեռի ուսանողների վերաբերյալ հրամանները 3 աշխատանքային օրվա ընթացքում ներկայացվում են համապատասխան զինկոմիսարիատներ: Նշենք նաեւ, որ բուհից հեռացման (ազատման) դեպքում ուսանողի դիմումի համաձայն՝ 3 աշխատանքային օրվա ընթացքում նրան տրվում է հեռացման (ազատման) հրամանի պատճենը, ակադեմիական տեղեկանքը եւ միջնակարգ կրթության կամ միջին մասնագիտական կրթության ավարտական վկայականը: Ի դեպ, բուհի կողմից հաստատված ավարտական վկայականի պատճենը պահվում է ուսանողի գործում:

 
ՀԱՐՑ. Խնդրում եմ ասեք՝ ես իրավունք ունե՞մ վերահսկելու՝ արդյո՞ք իմ գործատուն իմ հաշվին կատարում է նպատակային սոցիալական վճար: Եթե այո, ապա խնդրում եմ ասեք՝ ինչպե՞ս կարող եմ հետեւել:

Լարիսա Հայրապետյան (37 տարեկան, լաբորանտ)

ՊԱՏԱՍԽԱՆ. Հայտնում ենք, որ անձը կարող է դիմել գործատուին՝ պահանջելով համապատասխան տեղեկատվություն իր անունից կատարված նպատակային սոցիալական վճարների փոխանցումների մասին:
Գործատուից հավաստի տեղեկություններ չստանալու կամ կասկածներ ունենալու դեպքում անձը կարող է դիմել հարկային մարմին: Հարկային մարմինը վարում է անձանց եկամուտների, վճարված եկամտային հարկի եւ կուտակային վճարի անձնավորված հաշվառում: Յուրաքանչյուր վարձու աշխատողի, անհատ ձեռնարկատիրոջ, նոտարի եւ ինքնազբաղվածի համար հարկային մարմնում բացվում է անհատական հաշիվ, որտեղ գրանցվում է, թե որքան է կազմել տվյալ անձի եկամուտը՝ հաշվետու ժամանակահատվածում (վարձու աշխատողի համար՝ յուրաքանչյուր ամիս, անհատ ձեռնարկատիրոջ, նոտարի եւ ինքնազբաղվածի համար՝ յուրաքանչյուր տարի), ինչքան են կազմել եկամտային հարկի եւ նպատակային սոցիալական վճարի գումարները, եւ որքան նպատակային սոցիալական վճար է կատարվել: Տվյալները հասանելի են անհատական հաշվի իրավատիրոջ համար:
Մասնակիցն իր կուտակած կենսաթոշակային միջոցների վերաբերյալ տեղեկատվությունը կարող է ստանալ նաեւ հաշվի օպերատորների գրասենյակներից կամ «Իմ հաշիվը» ինտերնետային էջից:

Կենսաթոշակային համակարգի իրազեկման կենտրոն

«ԺՈՂՈՎՈՒՐԴ». Ավելացնենք, որ եթե գործատուն չի հանդիսանում հարկային գործակալ, ապա նպատակային սոցիալական վճարների հաշվարկի եւ փոխանցման պարտավորությունը կրում է մասնակիցը: