Վանաձորում կառուցվող բժշկական համալիրի շինհրապարակում քաղաքացին ընկել է բետոնե հորանը և մահացել

Դեկտեմբերի 7-ին, ժամը 19.49-ին տեղեկություն է ստացվել, որ Լոռու մարզի Վանաձոր քաղաքի նոր կառուցվող բժշկական համալիրի շինհրապարակում` վերելակի մոտակայքում՝ փոսի մեջ, քաղաքացի կա ընկած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Գարեգին Նժդեհի փողոցի թիվ 42/2 հասցեում՝ բժշկական նոր համալիրի շինհրապարակում, 1978 թ. ծնված Ա. Ս.-ը ընկել է 1-ին հարկի բետոնե հորանը (մոտ 1,5 մ):

Փրկարարները հորանից դուրս են բերել Ա. Ս.-ի դին: