Ինչ պետք է իմանալ Պուտինի, Թրամփի և համաշխարհային այլ առաջնորդների թիկնազորի մասին (ֆոտո)

Երբեմն նրանք կերպարանափոխվում են, հագնվում են սովորական քաղաքացիների պես կամ պարզապես «անհետանում» ամբոխի մեջ:

Չնայած հանրության մոտ ձևավորված կարծիքի, թե նրանք մշտապես կռիվների և փոխհրաձգությունների մասնակիցներ են դառնում, նրանց աշխատանքը բավականին խաղաղ է: Նրանք պլանավորում և ստագում են երթուղիների անվտանգությունը, նախապես զննում են շենքերն ու սենյակները, մարդկանց մասին տեղեկություններ հավաքում, որոնց հետ պետք է հաղորդակցվի իրենց ղեկավարը:

Հետաքրքիր փաստեր ՌԴ նախագահ Վլադիմիր Պուտինի, ԱՄՆ նորընտիր նախագահ Դոնալդ Թրամփի և համաշխարհային այլ առաջնորդների թիկնազորի մասին.

1. Վլադիմիր Պուտինն ու Պաշտպանության դաշնային ծառայությունը

Պաշտպանության դաշնային ծառայությունն իրապես Ռուսաստանում ամենահզոր և ամենագաղտնի հատուկ ծառայությունն է: Միայն պատկերացնելով կարելի է ներկայացնել դրա մասշտաբները: Այսօր այնտեղ աշխատում է մոտ 50 հազար գործակալ:

Այս մարդիկ իրավունք ունեն լսել և խուզարկել բոլորին, բերման ենթարկել քաղաքացիներին:

Պուտինի նախկին թիկնապահ Ալեքսեյ Դյումինն է, ով այժմ Տուլայի շրջանի նահանգապետն է:

2012թ. նախագահական ընտրությունների հաշված օրեր առաջ Կրեմլն ու հատուկ ծառայությունները հայտարարեցին, որ կանխել են Պուտինի վրա մահափորձը:

2. Բարաք Օբաման և ԱՄՆ-ի գաղտնի ծառայությունը

Այս ծառայությունը միանգամից երկու խնդիր է լուծում. ապահովում է նախագահի և նրա ընտանիքի անվտանգությունը և պայքարում ամերիկյան փողերի կեղծման դեմ: Ի տարբերություն ռուսների՝ նրանք բացահայտ պատմում են իրենց մասին: Օրինակ, պաշտոնական կայքում նշվում է, որ ծառայում է մոտ 3200 գործակալ, Սպիտակ տան 1300 թիկնապահ և ավելի քան 2000 անվտանգության այլ աշխատակիցներ:

Օբաման երթևեկում է Կադիլակով, որն ունի 20 սմ հաստությամբ դռներ: Մեքենայի կոդային անվանումը «Դիլիժանս» է, իսկ ժողովրդական անվանումը՝ «Գազան»: Ներսում նախագահը լիովին կտրվում է արտաքին աշխարհից, սակայն ունի կապի հուսալի միջոցներ:

3. Դոնալդ Թրամփն ու «ծովային կատուները»

Դոնալդ Թրամփը մինչ նախագահ ընտրվելը, ըստ խոսակցությունների, «հասարակ միլիարդատեր» էր, նա իր անձնական պաշտպանության համար ընտրել է ԱՄՆ-ի գաղտնի ծառայության նախկին գործակալների և ռազմածովային ուժերի «ծովային կատուներ» հատուկ ստորաբաժանման զինյալներին:

Կյանքում «բարի և փափուկ», սակայն աշխատանքում «արագ և անողորմ» Շիլլերը հասցրել է հայտնի դառնալ հանրության առջև կռիվներով: Առաջին անգամ նա հանրության ուշադրությունը գրավեց 2007թ., երբ բռնեց պրոֆեսիոնալ ըմբշամարտիկ Վինս Մաքմենին, ով կատակով փորձել էր հարձակվել միլիարդատիրոջ վրա:

4. Պյոտր Պորոշենկոն և նրա թինապահները

2016թ. մայիսին ուկրաինական ԶԼՄ-ները գրեցին, որ «Պորոշենկոյի թիկնապահները Եվրոպայում լավագույնն են ճանաչվել»:

Նրանք միատոն կոստյումներ են կրում և նրանց կարելի է տարբերել:

Լրագրողները Պորոշենկոյի թիկնապահների թվում հայտնաբերել են գործակալների, ովքեր ավելի վաղ ուղեկցում էին նախկին նախագահ Վիկտոր Յանուկովիչին:

5. Անգելա Մերկելն ու SG դեպարտամենտը 

Գերմաներենից՝ Sicherungsgruppe, որը նշանակում է «աջակցման խումբ»: Մերկելի պաշտպանությամբ է զբաղվում քրեական ոստիկանությունը, որը ենթարկվում է ՆԳՆ-ին:

6. Մեծ Բրիտանիայի թագուհու և վարչապետի թիկնապահները

Թագավորական ընտանիքին և կառավարությանը պաշտպանում է պաշտպանության Թիմը, որը մտնում է Լոնդոնի ոստիկանության հատուկ օպերացիաների վարչության մեջ:

Մեծ Բրիտանիայի նախկին վարչապետ Դևիդ Քեմերոնի թինկազորն աշխարհի լավագույն թիկնազորերից է համարվում: 2014թ. մի տղա վազել է Քեմերոնի ուղղությամբ և հրել նրան: Այդ պահին թիկնազորն արագ գործել է՝ բռնելով տղային:

Ելիզավետա II-ը ունի նաև մեկ այլ պաշտպանություն՝ Գվարդիայի պահակախումբը:

Սակայն պատահում է, որ երկար կանգնած մնալու արդյունքում գվարդիականները կորցնում են գիտակցությունը:

7. Հռոմի պապն ու շվեյցարական գվարդիան

Եվս մեկ գվարդիա: Նրանք մոտ 135-ն են: Արդեն 500 տարի է՝ նրանք ապահովում են աշխարհի ամենաազդեցիկ մարդու՝ Հռոմի պապի անվտանգությունը: Դա չափազանց պատասխանատու գործ է:

Ընդ որում, նրանց աշխատավարձը բավականին ցածր է՝ ամսական մոտ 1300 եվրո: