Այսօր Ազգային ժողովում ճեպազրույցի ժամանակ ՀՀԿ խմբակցության ղեկավար Վահրամ Բաղդասարյանը խոսելով Վիեննայի եւ Սանկտ Պետերբուրգի հանդիպումների ընթացքում ձեռք բերված համաձայնությունների իրականացման մասին, ասաց, որ Հայկական կողմը պետք է տեսնի դրանց իրականացմանն ուղղված Ադրբեջանի կամքը:
Նրա խոսքով՝ այդ համաձայնությունների իրականացմանը զուգահեռ բանակցությունները վերսկսելը փոքր-ինչ հարաբերական է: «Մենք բազմիցս նշել ենք, որ չենք խուսափում հանդիպումներից, բայց ԵԱՀԿ Մինսկի խումբը լուրջ աշխատանք ունի անելու: Պետք է ճիշտ գնահատականներ տրվեն, թե ով է մեղավոր, որ համաձայնությունները չեն իրականացվում: Իսկ դրանց իրականացումից հետո, կարծում են, հարցը տեղից կշարժվի, եւ մենք առաջ կընթանանք»,- ասաց նա:
Բաղդասարյանի կարծիքով եռանախագահները չեն ուզում վնասել հետագա բանակցային գործընթացին, այդ պատճառով զգույշ են իրենց հայտարարություններում:
.gif)
