Դեկտեմբերի 8-11-ը Ուկրաինայի մայրաքաղաք Կիևում կայացել է <<Եվրոպայի ժողովրդավար ուսանողների>> (EDS) խորհրդի հանդիպումը: Այն կրել է <<Եվրոպայի մարտահրավերները. Անվտանգության ապահովման խնդիրները>> խորագիրը:
Ծրագրին ՀՀԿ երիտասարդական կազմակերպությունը ներկայացրել է Ռուբեն Թովմասյանը:
Հանդիպման շրջանակներում ՀՀԿ ԵԿ ներկայացուցիչը հանդես է եկել զեկույցով, որի ընթացքում անդրադարձ է կատարել ՀՀ-ում կատարված վերջին փոփոխություններին, մասնավորապես՝ Սահմանադրական բարեփոխումներին և դրանից բխող կառավարման նոր համակարգի ձևավորման գործընթացին: ՀՀԿ ԵԿ ներկայացուցիչը խոսել է նաև ՀՀԿ 16-րդ համագումարի մասին և ներկայացրել վերջին շրջանում կուսակցության ունեցած ձեռքբերումները, ինչպես նաև կատարած բարեփոխումները:
Ծրագրի ընթացքում հանդիպումներ են եղել Եվրոմայդանի առաջնորդների և ակտիվիստների հետ, ովքեր կիսվել են իրենց փորձով:
Քննարկումներ են եղել սոցիալ-տնտեսական բարեփոխումների, Մինսկի խաղաղության գործընթացում Ուկրաինայի մասնակցության, Ուկրաինայի և Արևելյան գործընկերության համար ԱՄՆ նախագահական ընտրությունների նշանակության և Եվրոպայի անվտանգության հիմնահարցերի վերաբերյալ:
Ծրագրի ընթացքում մասնակիցները հանդիպումներ են ունեցել նաև Ուկրաինայի մշակույթի նախարարի, Բարձրագույն ռադայի ներկայացուցիչների, ինչպես նաև նախագահի և վարչապետի աշխատակազմերի անդամների հետ:
ՀՀԿ երիտասարդական կազմակերպություն
.gif)
