Երեւանում բնակություն հաստատած այն պատգամավորները, ովքեր Երեւանից չեն եւ ապրելու հնարավորություն չունեն մայրաքաղաքում, ՀՀ Ազգային ժողովի բյուջեց ամսական 100 հազար դրամ են ստանում՝ վարձով բնակարանի ծախսերը հոգալու համար: Այսպիսի արտոնություն պատգամավորներին տվել է ԱԺ կանոնակարգ օրենքը:
Ամսական 100 հազար դրամ բնակարանի վարձ է ստանում նաեւ ԱԺ ՀԱԿ խմբակցության պատգամավոր, ՎՍԴՀԿ ատենապետ Լյուդմիլա Սարգսյանը: «Ժողովուրդ»-ը տեղեկացավ, որ Լյուդմիլա Սարգսյանը վերջերս հիփոթեքային վարկով բնակարան է ձեռք բերել, սակայն շարունակում է օգտվել ՀՀ Ազգային ժողովի բյուջեի ամսական 100 հազար դրամից:
Լյուդմիա Սարգսյանը «Ժողովուրդ»-ի հետ զրույցում իրավիճակն այսպես բացատրեց. «Ես դեռ չեմ կահավարել բնակարանս: Բնականաբար կահավորելուց անմիջապես հետո՝ մինչեւ Նոր տարի, կտեղափոխվեմ վերջնական ու բնականաբար դիմում կգրեմ ու կհրաժարվեմ այդ գումարից: Բնակարան ստանալ չի նշանակում այնտեղ ապրել»:
.gif)
