Այսօր ֆրանսիացի երգչուհի Էդիտ Պիաֆի ծննդյան օրն է: Ըստ ընդունված վարկածի Էդիթ Պիաֆը ծնվել է Բելվիլ քաղաքի փողոցային լապտերներից մեկի տակ, ինչը դժվար թե համապատասխանում է իրականությանը։ Մայրը՝ Անիտա Մայարը, անհաջողակ դերասանուհի էր, որը հանդես էր գալիս Լինա Մարսա բեմական անվան տակ։ Հայրը՝ Լուի Գասսոնը, փողոցային աճպարար էր։ Առաջին համաշխարհային պատերազմի սկզբին կամավոր զինվորագրվել է, մեկնել է ճակատ։ Առաջին անգամ արձակուրդ է ստանում 1915 թ. վերջերին՝ իր նորածին աղջկան տեսնելու համար։
Երկրորդ Համաշխարհային պատերազմի ժամանակ նա հաճախակի հանդես էր գալիս գերմանական ուժերի հավաքույթներին օկուպացված Ֆրանսիայում, ինչը շատերի կողմից դիտվեց և դիտվում է որպես դավաճանություն։ Սակայն ինքը՝ Պիաֆը, պատերազմից հետո հայտարարում էր, որ նա համագործակցել է ֆրանսիական դիմադրության հետ։ Չնայած դրա վերաբերյալ որևէ ստույգ ապացույց չկա, թվում է, թե այն, որ Պիաֆը օգնել է մի շարք անձանց (այդ թվում առնվազն մեկ հրեայի) խուսափել նացիստական հալածանքներից, համապատասխանում է իրականությանը։
Ըստ մի պատմություն, շնորհիվ այն բանի, որ Պիաֆը երգում էր բարձրաստիճան գերմանացի զինվորականների համար «Մեկ Երկու Երկու» ակումբում, նա իրավունք ստացավ այցելել ֆրանսիացի ռազմագերիների ճամբարը, ելույթ ունենալ այնտեղ և լուսանկարվել նրանց հետ։ Հետագայում ֆրանսիացի ռազմագերիներից մի քանիսը օգտագործեցին Պիաֆի հետ իրենց լուսանկարները կեղծ անձնագրեր պատրաստելու և ճամբարից փախուստի դիմելու համար։
.gif)
