ՀԱՊԿ առաջնորդները դեկտեմբերի 26-ին Սանկտ Պետերբուրգում նիստի շրջանակներում ահաբեկչության և ծայրահեղականության դեմ պայքարի շուրջ քննարկում կանցկացնեն: Այս մասին հայտնում է Կրեմլի մամուլի ծառայությունը:
Կրեմլի մամուլի ծառայության տեղեկություններով՝ դեկտեմբերի 26-ին ՌԴ նախագահ Վլադիմիր Պուտինը կմասնակցի Եվրասիական տնտեսական Բարձրագույն խորհրդի նիստին և Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նստաշրջանին:
«ՀԱՊԿ նիստի շրջանակներում Հայաստանի, Բելառուսի, Ռուսաստանի, Ղազախստանի և Ղրղզստանի առաջնորդները կքննարկեն կազմակերպության շրջանակներում դաշնակցային համագործակցությունը, ինչպես նաև ահաբեկչական և ծայրահեղական սպառնալիքների, թմրանյութերի և զենքի անօրինական վաճառքի դեմ պայքարը»,-ասվում է հաղորդագրության մեջ:
.gif)
