Դեկտեմբերի 20-ին, ժամը 16.57-ին ահազանգ է ստացվել, որ Երևանի Օհանովի փողոցի թիվ 4 շենքի բակում այրվում է Nissan մակնիշի ավտոմեքենա, առկա է վառելիքի արտահոսք:
Դեպքի վայր է մեկնել երկու մարտական հաշվարկ:
Պարզվել է, որ այրվում է Mercedes մակնիշի 34 SO 320 պետհամարանիշով ավտոմեքենայի (վարորդ՝ Մ. Գ.) թափքի ստորին հատվածը՝ մասամբ: Ձեռքի շրջանում այրվածք է ստացել Ա. Ս.-ը (մոտ 30 տարեկան). տուժածը հոսպիտալացվել է Ճառագայթային բժշկության և այրվածքների գիտական կենտրոն ՓԲԸ, որտեղ ստանալով համապատասխան բուժօգնություն՝ դուրս է գրվել:
Հրդեհը մեկուսացվել է ժամը 17.28-ին, մարվել՝ 17.40-ին:
Փրկարարները հոսանքազրկել են ավտոմեքենան և փակել գազի բալոնի փականը:
.gif)
