Գեղարքունիքի փոխմարզպետի որդու սպանության մեջ կասկածվող անձը հայտնաբերվել է

ՀՀ ոստիկանության քրեական հետախուզության գլխավոր վարչության և Գեղարքունիքի մարզային վարչության ծառայողների կողմից իրականացված օպերատիվ-հետախուզական լայնածավալ միջոցառումների, որոնողական եւ բացատրական աշխատանքների արդյունքում հունվարի 8-ին ոստիկանության քրեական հետախուզության գլխավոր վարչություն է ներկայացել նախորդ օրը Գեղարքունիքի մարզի Նորատուս գյուղի բնակիչ 29-ամյա Հայկ Հակոբյանի սպանությունը կատարելու մեջ կասկածվող անձը` Մեխակ Հարությունյանը:

Ոստիկանության լրատվական ծառայությունից հայտնում են, որ հարուցված քրեական գործի նախաքննությունը շարունակվում է։

Երեկ հայտնել էինք, որ 2017 թվականի հունվարի 7-ին՝ ժամը 12-ի սահմաններում Գավառ քաղաքում կրակոցներ է արձակվել «ԱՈՒԴԻ-Q7» մակնիշի 47 MM 777 պ/հ ավտոմեքենայի ղեկին գտնվող, 1988թ. ծնված Հայկ Անդրանիկի Հակոբյանի գլխի և պարանոցի ուղղությամբ: Ստացած վնասվածքներից Հ.Հակոբյանը մահացել է: